Skip to content
Кога некој ќе добие милиони во играта на ЛОТО, би се очекувало да слави. Сепак, како што открива претставникот на германската лотарија „Лото Баерн“, реалноста честопати изгледа поинаку.
Верена Обер (51) игра важна улога – таа не само што ја претставува компанијата, туку лично ги информира добитниците за големите награди. Таа открива незаборавни ситуации од својата кариера за локалните медиуми, а некои од нив се доста необични.
Еден случај особено останал во сеќавање на претставникот на лотаријата.
„Пред две години, се јавив на човек кој освои милиони. Неговата прва реченица била: „Ве молам, само не ми праќајте картичка на мојата адреса. Во процес сме на развод и не сакам жена ми да знае.
Благодарение на игрите на среќа, како што е Евроџекпот, многу Германци станале милионери. Во текот на изминатата година, повеќе од 500 играчи освоиле шестцифрени суми, а еден жител од Хесен дури 69 милиони евра!
„Милиони што менуваат животи“
Кога ја прашале како реагираат луѓето кога ќе сфатат дека се збогатиле, Верена вели:
„Тие се тресат од возбуда. Секако дека 20 милиони го менуваат животот. Јас секогаш се справувам со среќни луѓе и тоа ми се допаѓа.“
Таа додава дека луѓето не реагираат на ист начин. Една 80-годишна баба, која освоила неколку милиони, збунето прашала: „Боже, што друго си планирал за мене“.
Верена забележува дека не им дава финансиски совети на луѓето, но нагласува дека – барем на почетокот – тие не треба никому да кажуваат за добивките, објавува Билд.
„Откако ќе кажете, нема враќање назад. А луѓето можат да станат сомничави. Ако веднаш дадете отказ од работа или купите нов автомобил, колегите ќе помислат на секакви работи.“
Верена се сетила на случајот со сопственик на продавница за занаетчиски производи, кој бил на работ на банкрот.
„Тој дојде и низ солзи рече: „За два дена требаше да ги отпуштам работниците, а сега можам да продолжам со мојата работа““.
Можеби најубавата приказна доаѓа од жена која освоила неверојатни 48,5 милиони евра. Пред смртта на нејзиниот сопруг, таа ветила дека секогаш ќе ги игра неговите бројки. И го исполнила своето ветување – со победа што ѝ го променила животот засекогаш, пишува Мондо.рс.
