Тешка сообраќајка во Скопје, неколкумина повредени

Попладнево во Скопје се случи тешка сообраќајна несреќа во која неколку лица се повредени. Сообраќајката се случи на улица Московска во скопската населба Тафталоџе кога две возила се судрија.

Едното заврши во бандера а другото на спротивната страна од коловозот по кое се движело. Во голфот возачот се задобил со повреди а се отворило и воздушното заштитно перниче додека на хундаито има поголема штета на задниот дел од возилото.

Луѓето од околните објекти велат дека на ова место се вози многу брзо и често има сообраќајки. И оваа сообраќајка според нив била резултат на брзо и невнимателно возење.

извор: Телма