„Teste di Moro“ – сицилијански саксии кои кријат тешка приказна

Секој кој ја посетил Сицилија забележал необични керамички украси на балконите, скалите или во старите вили на островот (на фотографијата на дното на скалите). Тие се познати како „Teste di Moro“, што значи „Глава на Маврите“. Колку и да изгледаат убаво, ги следи мрачна легенда за безмилосна одмазда.

Приказната се одвива во арапскиот кварт на Палермо во малиот град Калса во текот на 1100-тите, кога Маврите ја освоиле Сицилија. Како што вели легендата, таму живеела убава девојка. На балконот, каде што чувала цвеќиња, ја забележал богат млад мавританец трговец. Воодушевен од нејзината убавина, тој и изјавил љубов, која веднаш му била возвратена. Но, девојката набрзо дознала дека Моро е оженет. Заслепена од бес, му ја отсекла главата и во неа како саксија засадила босилек. Забележувајќи како цвета босилекот, мештаните почнале да прават слични керамички саксии и да садат цвеќиња во нив.

Денес, тие украсни садови, направени од керамика и рачно насликани од мајстори, се симбол на Сицилијанците.