„Транспортер“: Taлески не дојде, Кацарска се закани со притвор

Првообвинетиот во Транспортер, поранешниот градоначалник на Битола, Владимир Талески денеска не дојде во судница на завршни зборови за случајот Транспортер.

Судијката Добрила Кацарска им порача дека нема да толерира одлагања и развлекување на постапката на самиот крај. Ќе се проверува лекарската документација која ја доставил Талески, а Кацарска порача дека ако не се потврди здравствената состојба на обвинетиот, веднаш ќе побара притвор за екс градоначалникот, а на останатите обвинети им порача да не го пробуваат истото и поради нивната неодговорност да одговара некој лекар.

Судот посочи дека Талески извадил лекарска белешка од Клиниката во Битола, која ќе ја провери поради тоа што не е наведено колку Талески ќе биде на боледување. Судењето за Транспортер се одложи за во среда, а случајот се однесува за злоупотреби при организирањето училишен превоз во Битола.

Во „Транспортер“ обвинети се поранешниот градоначалник Талески и уште 22 лица поради злоупотреби на службената положба во врска со превоз на ученици во Битола, тешки 360.000 евра.

]]>