(ВИДЕО) ИНТЕРВЈУ СО ВЕНКО ФИЛИПЧЕ: Подготвена ли е Македонија да се справи со Корона, вирусот тропа на македонските порти

Корона вирусот дојде во Европа. Спремна ли е Македонија да се носи со медицинскиот предизвик којшто го претставува Корона вирусот во смисла на здравствениот предизвик, медицинскиот предизвик со вирусот. СЗО за време на викендов излезе со соопштение дека останува уште еден мал прозорец за да може да се интервенира ова да не стане глобална пандемија, но вирусот продолжува да се шири особено во Јужна Кореја, сега и во Италија, каде што неколку градови се затворени, така што се чини дека е повеќе прашање на време е кога ќе се прошири и пошироко во Европа отколку дали ќе се прошири.

Што е следната фаза доколку во Македонија се покаже и прв позитивен случај на вирусот, на оваа тема говори министерот за здравство Венко Филипче.

-Во овој момент се презема се она што треба да се преземе во однос на превенција и рано пронаоѓање на евентуално патници кои што доаѓаат, кои што биле во контакт со заразени лица, било да тоа биле наши патници, државјани или странци кои што биле во Кина или во некое друго место, еве во Европоа, со оглед на овие последни случаи во северна Италија, смртни случаи за жал од Корона вирусот и кои што доаѓаат во нашата земја.

Ние во континуитет во изминативе недели веќе после првиот аларм од СЗО, целосно го организиравме системот да работи на превенција односно на рано откривање токму на тие патници. Имаме контакт со апсолутно сите авиокомпании кои што не известуваат доколу има патници од Кина. Понатаму со Кинеската амбасада, лично амбасадорот не известува за сите патници кои што доаѓаат од таму, така беше во текот на изминатава недела кога дојдоа двајца најавени инжињери од компанијата „Сино Хидро“ кои што тука работат.

https://www.youtube.com/watch?v=7oyFaOVYFGU&feature=emb_title

Извор: Слободен печат

]]>