Во супермаркетите може да се види сè и сешто, но мора да признаеме дека гуштер долг два метра не е баш секојдневна појава.
Продавач во еден супермаркет во Тајланд повикал полиција затоа што во неговиот маркет влегол голем гуштер.
Се верува дека тој огладнел па затоа и влегол во маркетот, бидејќи времето во регионот со месеци е суво и со многу малку дожд.
Азиските гуштери живеат во канали и мочуришта во близина на поголемите градови во Тајланд каде се хранат со риби, жаби, змии, но и со остатоци од храна оставена од луѓе.
Доколку се чувствуваат загрозено, можат да бидат многу агресивни, а нивниот гриз може да содржи многу бактерии опасни за луѓето.