Skip to content
Светскиот шампион во дигање тегови, Андреј Драчев, почина како последица од повредите здобиени во улична тепачка во рускиот град Хабаровск.
Него вчера наутро пред еден кафе-бар го претепа ММА борецот Анар Алакверанов.
Како што пренесуваат руските медиуми, до пресметката дошло кога двајцата учесници во алкохолизирана состојба се расправале кој спорт е посилен, дигање тегови или ММА, па одлучиле со тепачка да ја решат дилемата.
Драчев бил совладан и паднал на земја, а потоа додека лежел добил смртоносни удари.
Алакверанов подоцна бил уапсен од руската полиција.
