Димитров ја изневерувал Шарапова со сопругата на фудбалерот на Партизан

Руската тенисерка Марија Шарапова ја раскина врската со бугарскиот тенисер Григор Димитров, пренесуваат бугарските медиуми.

Причината за нивното раскинување е неверството на Димитров, кој убавата Марија ја изнeверил со земјачката, старлетата Николета Лозанова, која е сопруга на напаѓачот на Партизан Валери Божинов, пишува српски „Курир“. Николета и Валери се во брак од октомври 2011 година, а имаат тригодишна ќерка. Божинов од пред неколку месеци е член на фудбалскиот клуб Партизан.

Бугарските медиуми тврдат „дека било јасно дека нешто не штима во врската на двајцата врвни тенисери во текот на турнирот во Вимблдон“. Димитров на 3 јули лесно изгуби од Французинот Ришар Гаске, а медиумите дознале дека Димитров и Лозанова претходната вечер ја поминале заедно во една хотелска соба во Лондон.

– Марија повеќе не е наша. Григор ја изневерија Марија со Николета Лозанова“, се само некои од коментарите на бугарските медиуми.

Димитров вчера за бугарските медиуми потврдил дека раскинал со Марија Шарапова.

– Нашите патишта се разидоа. Повеќе не сме заедно. И посакувам многу среќа и успех во животот и тенисот. Јас потполно сум концентриран на својата игра и сигурен сум дека наскоро ќе дојдам до посакуваните резултати – рекол Бугаринот, кој бeше врска со Шарапова повеќе од 2,5 години.

„Знам дека навивачите го следат секој мој чекор. Знам дека приватноста во нашиот свет е релативен поим. За мене е ова лето на нов почеток“, додал популарниот Димитров.

Шарапова изминатите денови одмораше на Црногорското крајбрежје, а сега веќе е во Холандија каде снима реклама.

Бугарските медиуми наведуваат дека Марија му го одземала „поршето“ кое на Григор му го подарила пред неколку години.