Skip to content
Парагвајската полиција изврши претрес во хотел во Асунсион каде освојувачот на „Златната топка“ престојувал и пронашла лажни пасоши направени пред неколку месеци. Роналдињо во Парагвај требаше да ја промовира книгата „Генијот на животот“, но изгледа тоа ќе мора да почека.
Сепак, по апсењето на Роналдињо се појави една анегдота. Ѕвездата сè уште е идол на многумина во светот, вклучувајќи го и шефот на полициската станицата во Асунсион, кој ја искористил можноста и се сликал со Роналдињо.
-Па, тој е светски идол, за мене е најдобриот фудбалер на светот и тоа никој не може да му го земе. Да, бев таму, не морам да кажам не и не морам да давам дополнителни објаснувања. Тоа е само обична фотографија … Тој е светски идол и јас сум љубител на фудбалот, се шегуваме и го замолив за фотографија. Секој може да го сфати тоа како исправно или погрешно, но тој останува идол сè до смртта. Тој не е криминалец, а за мене е фудбалски идол – изјавил Мигел Лопес, началникот на полициската станица каде што е приведен Роналдињо.
Бразилскиот суд му го одзеде пасошот на Роналдињо во 2018 година, откако тој не ја платил казната од 2,5 милиони долари за ловење риби на езерото лоцирано во заштитено подрачје.
