Митко Чавков и уште други четири осудени лица во штипскиот затвор се позитивни на коронавирусот

Пет осудени лица, меѓу кои поранешниот директор на Бирото за јавна безбедност (БЈБ) Митко Чавков, кои се на издржување на затворска казна во штипскиот затвор се позитивни на коронавирусот. Исто така, од затворот потврдија дека заразени се и тројца вработени, пренесува порталот ММС.

– Во моментов, во КПД Штип има три вработени лица позитивни на коронавирусот и пет осудени лица. Петте осудени лица позитивни на коронавирус се во две посебни простории изолирани и издвоени од останатите осудени лица, рече директорот Мики Тодоров.

Не е познато како се заразиле осудените, бидејќи не користеле викенд, но имале посети од блиските, или пак можеби се заразиле од некој од вработените. Вчера во затворот се тестирале уште дваесетина затвореници и вработени, за да се открие дали кластерот се шири.

]]>