Српските медиуми објавија дека тенисерот Новак Ѓоковиќ е префрлен во карантин. Тој не се предава во својата борба да игра на „Австралија опен“ и има уште 14 часа до конечната одлука. Во меѓувреме неговите адвокати работат на жалбата тој да остане во Австралија.
Српскиот тенисер вчера полета кон Австралија со надеж дека ќе добие дозвола за влез во земјата и покрај тоа што не е вакциниран. Тој се повика на медицинска потврда за ослободување од вакцинација, но очигледно тоа не му помогна да игра на Грен слемот во Мелбурн.
Во меѓувреме, навивачи на Ѓоковиќ почна да се собираат на аеродромот во Мелбурн за да му искажат поддршка.
