Tлото продолжи да се тресе: Ноќеска уште 4 нови земјотреси

Земјотрес со јачина од 5,3 степени според Рихтеровата скала синоќа го погоди северниот дел на Грција, соопшти Геодинамичкиот институт во Атина. Земјотресот се почувствува и во делови од Македонија.

Земјотресот се случил на длабочина од десет километри, а се случил на шест километри северозападно од градот Лерин во грчката област Западна Македонија, објави солунскиот весник „Македонија“.

По тој земјотрес уште четири други ја потресоа Грција, објави веб-страницата на Европскиот сеизмолошки институт, со јачина од 3,1 до 4,2 степени.

Во Македонија, овие земјотреси најсилно беа почувствувани во југозападниот дел, особено во Битола, Ресен и Охрид.

Дел од граѓаните ги напуштија своите домови и заминаа во блиските места.

]]>