(ВИДЕО) Колку деца ќе речат „Мојата омилена песна“: Девојче ја пее „Let it go“ во украинско засолниште

Откако Русија ја започна својата инвазија на Украина, се промени начинот на живот на многу семејства во нападнатата земја. Своите домови тие ги заменија со лошо одржувни засолништа, во случај да одлучиле да останат, а како им минува времето таму, додека светот се обидува да сфати што се случува, само тие си знаат.

Во една таква атмосфера, едно прекрасно мало девојче ја пее песната што на многу деца од светот им е омилена, „Let it go“ од популарниот детски филм „Снежно кралство“ на „Дизни“.

Видеото стана вирално на интернет, а во него, покрај тешката и тажна атмосфера, се гледа и како многумина се обидуваат да продолжат со „новиот начин“ на живот, но и не ги кријат солзите.

https://twitter.com/Ankita20200/status/1500496884255051776

Песната е препеана на многу светски јазици, од оригиналниот англиски јазик. Видеото од девојчето на својот профил на Твитер го сподели и Идина Мензел, пејачката која го пее оригиналот.

https://twitter.com/idinamenzel/status/1500676050593980426

Конфликтот досега принуди повеќе од 1,7 милиони Украинци, повеќето жени и деца, да побегнат од војната во соседните земји, особено во Полска, соопштија од УНХЦР.

Кетрин Расел, извршениот директор на Детскиот фонд на Обединетите нации изјави дека последните осум години од конфликт веќе нанеле длабока и трајна штета на 7,5 милиони деца во Украина, а заканите само се зголемиле со актуелната криза.

https://www.youtube.com/watch?v=L0MK7qz13bU

]]>