Коста К. во судница! Момчето убиец сведочи во процес против мајка му и татко му?

Во Вишиот суд во Белград денеска се одржа судењето на родителите на момчето убиец, Владимир и Миљана К., а како што прво објави Информер, тие се изјаснија за невини пред судскиот совет. Според неофицијални сознанија на Информер, откако судскиот совет го прочитал обвинителниот акт, родителите на Коста К. ги негирале сите наводи од тие досиеја.

На рочиштето било прочитано обвинението и дадени воведни зборови, а утре обвинетите треба да изнесат подетална одбрана. Инаку, за овој случај исказ веќе дал Коста К., а денеска пред судењето на неговите родители се шпекулираше кога и дали ќе биде сведок во оваа постапка.

– Адвокатите на одбраната речиси сигурно нема да го повикаат како сведок бидејќи се свесни дека несвесно би можел да каже нешто што би им ја отежнала состојбата на Миљана и Владимир. Од друга страна, обвинителството во одреден момент најверојатно ќе го повика како сведок. Треба да се напомене и дека судот треба да го одобри тоа барање – наведува добро упатен извор на Информер.

За потсетување, денеска во Вишиот суд во Белград почна судењето на родителите на Коста К, момчето кое го изврши масакрот во „Рибникар“.

Според сознанијата на српски Информер, во Вишиот суд на сила се посебни безбедносни мерки. Во судската палата пристигнаа и припадници на полициската бригада за да му помогнат на судскиот чувар, а сето тоа поради денешното судење.