Ако ви недостасува витамин Ц консумирајте ги овие намирници секојдневно

Препорачаната доза на витамин Ц за жени е 75 милиграми, а за мажи 90 милиграми, но и да внесете повеќе, никогаш не можете да се предозирате бидејќи овој витамин од телото се исфрла преку урината.

Погледнете кои намирници содржат најмногу витамин Ц:

Црвена пиперка

Во половина шоља црвена пиперка има 143 милиграми витамин Ц, а само 20 калории. Доколку ја зготвите, таа во тој случај ќе ви обезбеди 118 милиграми витамин Ц.

Киви

Едно киви со средна големина содржи 70 милиграми витамин Ц и 46 калории.

Портокал

Еден портокал со средна големина има 70 милиграми витамин Ц и само 63 калории. Во сокот од портокал (природно цедениот), односно во ¾ од една чаша има од 61 до 93 милиграми витамин Ц и меѓу 79 и 84 калории.

Грејпфрут

Половина грејпфрут содржи 39 милиграми витамин Ц и 52 калории.

Сок од зеленчук

Напитокот од зеленчук ќе ви обезбеди значително количество корисни состојки, вклучувајќи и витамин Ц. Ако додадете и домат, ќе добиете корисна доза на ликопен, кој е исклучително лековит. Во една чаша сок од зеленчук може да се најдат 50 милиграми витамин Ц и само 34 калории.

Јагоди

Јагодите содржат доста влакна и антиоксиданти, вклучувајќи и витамин Ц. Половина шоља јагоди содржи 49 милиграми витамин Ц и 27 калории.

Диња

Една четвртина диња има 47 милиграми витамин Ц и 51 калорија.