И Босна гo повлекува „Прогестерон депо“, содржел канцерогени состојки

Лекот Прогестерон Депо, раствор за инјектирање, 250 мг/мл, се повлекува од пазарот во Босна и Херцеговин, објави босански „Аваз“ со информација од Агенцијата за лекови на БиХ, која во петок ја поништи дозволата за негова употреба.

Тоа е единствениот лек на пазарот кој содржи 17-хидроксипрогестерон капроат (17-OHPC), за кој резултатите од големата епидемиолошка студија на ниво на ЕУ покажале зголемен ризик од рак за жените кои го употребувале.

Од две студии е донесен заклучок дека врската помеѓу придобивките и ризиците за лековите кои содржат 17-хидроксипрогестерон капроат повеќе не се смета за позитивна. Затоа ЕУ ги суспендираше лиценците за вакви лекови, а бидејќи босанската регулатива нема таков термин „суспензија на лиценца“, лиценцата на „Галеника д.о.о“ ѝ е одземена.

На почетокот на август Агенцијата за лекови и медицински помагала на Србија го повлече лекот од употреба поради можност за зголемен ризик од рак.

„Резултатите од големата епидемиолошка студија укажуваат на можноста за зголемен ризик од рак кај луѓе кои биле изложени на 17-хидроксипрогестерон капроат (17-OHPC) во матката. Овој ризик е можен, но не е потврден поради одредени ограничувања на студија“, се наведува во соопштението на Галеника а.д. Соопштение за медиумите од Белград и АЛИМС.

АЛИМС им кажа на здравствените работници дека лековите што содржат 17-OHPC повеќе не треба да се препишуваат и дистрибуираат. Треба да се земат предвид алтернативните терапевтски опции за сите индикации, пренесе српски Б92.

Овој лек најчесто се користеше за одржување на бременоста и спречување на предвремено породување. Лекот се употребува и во Македонија.