Албанија: Пратениците кои ги запалија столчињата треба да ја надоместат штетата во износ од над 7,7 илјади евра

 Опозициските демократски пратеници ќе треба да платат сума од 764.922 лека (12.657 евра) за уништување на столчињата, со палење пред албанскиот парламент, како и оштетување на друг инвентар, на 30 минатиот месец.

– Групата за контрола и ревизија на штетата, која ја формираше самото Собрание, го комплетираше билансот на состојба. Предизвиканата материјална штета е процената на 1.253.124 лека (12.658 евра) но по одбивање на процентот за амортизација конечниот износ е 764.922 лека (7726 евра). Средствата треба да се платат до 20 ноември, во спротивно ќе им бидат задржани од платата, се појаснува во одлуката.

Врз основа на видеоснимките и фотографиите, кои се земени како дополнителен доказ, во оштетувањата, палењето на столовите, уништувањето на микрофоните, вратите и говорницата, предизвиканата штета треба да ја надоместат четворица пратеници.

Така, координаторот на пратеничката група на ДП, Газмент Барди мора да надомести отштета од 2.113 евра, пратеникот и генерален секретар на партијата, Фламур Нока и пратеникот Бледион Налбати по 1.893 евра, додека пратеничката Елда Хоти 1.825 евра.

Претходно пратениците кои предизвикаа хаос на пленарната седница, на 30 септември, и запалија столици пред собраниската зграда, Секретаријатот за етика при албанскиот парламент ги исклучи од работата од 10 дена до два месеца. Вон Собранието два месеца се Нока, Барди и Налбати. За пратеникот Еди Палока оваа казнена мерка беше 10 дена, додека други 20 се исклучени на 40 дена. За сите нив и за уште 19 други пратеници поднесена е кривична пријава до Обвинителството за уништување државен имот. 

MИА