Одредени судиите реванш дуелите на македонските екипи во еврокуповите на УЕФА

Македонските екипи кои се натпреваруваат во првото коло од квалификациите од еврокуповите на УЕФА ги дознаа судиите за реванш дуелите. 

Во Скопје на дуелот од Лигата на шампионите меѓу Шкендија и ТНС (вторник, 20 часот) главен судија е Сајат Карабајев (Казахстан), додека помошници му се Јуриј Тихонук и Дмитриј Белоградов. Четврти судија е Арман Исмуратов. Главен ВАР-судија е Мајкл Сејлсбури (Англија), а ВАР асистент е Данијар Саки (Казахстан)

На гостувањето на Вардар во Сан Марино во квалификациите од Конференциската лига на дуелот Ла Фиорита – Вардар (четврток 21 часот) главен судија е Арон Вил Џонс, додека асистенти се: Мартин Робертс и Џордан Ли Кристофер. Четврти судија е Брин Давид Маркам-Џонс. Сите судии се од Велс.

Силекс својот домашен натпревар од Конференциската лига ќе го игра на тренинг-центарот „Петар Милошевски“ против црногорскиот тим Дечиќ (четврток 19 часот). Како главен судија е делегиран Виктар Шимсик, заедно со Сјархеј Касавиеч и Антон Хусиеу, додека четврти судија е Ихар Шумилау, сите од Белорусија.

На натпреварот Работнички – Торпедо ќе судат судии од Молдавија: Ион Орлич – главен арбитар, а помошници се: Анатолиј Басиул и Денис Оала, додека четврти судија е Станислав Леу. Дуелот се игра во четврток на Националната Арена „Тодор Проески“ со почеток во 18 часот.   

МИА