Беретини го предаде четвртфиналниот меч на Ролан Гарос

Италијанскиот тенисер Матео Беретини го предаде мечот од четвртфиналето на Ролан Гарос на сонародникот Матео Арналди поради повреда во вториот сет при водство на противникот од 7:5 и 5:2 во гемови. Беретини во текот на целиот меч имаше проблеми со левата нога.

Уште еднаш италијанскиот тенисер мораше поради повреда да го заврши настапот на еден од турнирите.

Мечот имаше и пресврти, па од 3:0 за Беретини во гемови, Арналди, кој е на 104.то место на АТП листата поведе со 4:3. Беретини во вториот сет побара и медицинска помош, а откако го загуби гемот на свој сервис беше јасно дека нема да може уште долго да биде на теренот.

Во полуфиналето тој ќе игра против Флавио Коболи, кој со 3-1 во сетови го совлада канадскиот тенисер Феликс Оже-Алисиме.

Во второто полуфинале ќе играат: Александар Зверев и Јакуб Меншик.

Денеска се играат женските полуфинални мечеви меѓу Марта Костјук и Мира Андреева, како и мечот меѓу Дијана Шнајдер и Маја Хвалинска. 

МИА