Skip to content
Холандија се соочува со потенцијално рекорден топлотен бран, а метеоролозите предупредуваат дека ноќта во четврток спроти петок може да биде најтопла досега регистрирана во земјата.
На националната метеоролошка станица во Де Билт, се очекува дека температурата нема да се намали под 24 степени Целзиусови, што би го урнало претходниот рекорд од 2018 година кога минималната температура била 23,6 степени, објави НЛ Тајмс.
Портокалово ниво на предупредување за екстремна жештина стапува на сила напладне за поголемиот дел од земјата, освен за северните покраини Гронинген, Фрисланд и Дренте, кои се под жолто предупредување.
МИА
