Skip to content
Драган Павловиќ – Латас и Иван Стоилковиќ денеска повторно се обидуваат да се претстават како бранители на српскиот народ во Македонија. Ова е класична манипулација.
Кога зборуваме за „српскиот свет“ во Македонија, не зборуваме за српскиот народ.
Зборуваме за политички проект на Александар Вучиќ и неговата СНС, сестринската партија на ВМРО-ОКГ, кој преку свои кадри и медиуми се обидува да ја прошири својата контрола.
Иван Стоилковиќ не е претставник на српскиот народ, тој е отворен промотор на руските интереси, човек близок до „Ноќните волци“ и до српските служби, кој неодамна на кинеската државна телевизија ја промовираше кинеската комунистичка партија, криејќи го тоа од македонската јавност.
Драган Павловиќ Латас, пак, како главен уредник на орбаново-вмровската медиумска мрежа, со децении работи на ширење на омраза и поделби. Човекот кој некогаш имаше задача да ја запали Американската амбасада, денес има задача да ја запали омразата меѓу Македонците и Србите.
Тоа не е патриотизам – тоа е работа по нарачка на службите.
Критикувањето на кадровските решенија на ВМРО и на влијанието на „српскиот свет“ во институциите не е говор на омраза кон српскиот народ.
Тоа е легитимна политичка критика на странско влијание во Македонија.
Исто како што критикувањето на Виктор Орбан не значи омраза кон унгарскиот народ, иако Орбан преку своите медиуми и свои луѓе директно ја финансира и контролира криминалната група ВМРО.
Латас и Стоилковиќ не се бранители на Србите. Тие се бранители на агендата на Александар Вучиќ, како и на руската агенда во Македонија.
И токму затоа, кога зборуваат за „фашизам и омраза“, всушност зборуваат за сопствената неспособност да се соочат со фактот дека нивниот проект на странско влијание е разоткриен.
Српскиот народ не е Вучиќ. СНС не е Србија!
Народот во Македонија не е наивен.
Европска Македонија ќе го победи руското и анти-европско влијание кое го спроведуваат Стоиљковиќ и Мицковски!
Народот ќе победи!
СДСМ Центар за комуникации со јавноста
