Анџелина Џоли предизвика скандал пред да пристигне во Венеција! Таа им постави ултиматум на организаторите: „Ако го сретнам Бред, не доаѓам!“

Анџелина Џоли завчера пристигна на филмскиот фестивал во Венеција каде ќе го претстави својот нов филм „Марија“ за познатата оперска пејачка Марија Калас. На истиот фестивал ќе се појави и нејзиниот поранешен сопруг Бред Пит, кој ќе го претстави својот нов филм „Волк“ во кој глуми заедно со Џорџ Клуни. Кога дознала за тоа, веднаш стапила во контакт со организаторите и им направила вистински хаос.

– Анџелина и Бред со години не се во добри односи. Поради ова, актерката веднаш ги повика организаторите да им каже да направат се што е во нивна моќ за да ги стават нивните филмови во различни денови и да нема ситуација каде тие двајца ќе се сретнат. Ако не и ја исполнат желбата, нема да дојде – изјави за американските медиуми извор близок на актерката.

Во оваа прилика веднаш се огласи уметничкиот директор на фестивалот Алберто Барбера.

– Анџелина Џоли првиот ден, четврток, 29 август, ќе биде на филмскиот фестивал во Венеција, а веднаш потоа ќе оди со режисерот на филмот „Марија“, Пабло Лараин на филмскиот фестивал Телурид во Колорадо. А Бред Пит во сабота ќе пристигне во Венеција. Нема шанси патиштата да им се вкрстат… – изјавил Барбера и со тоа јасно ставил до знаење дека желбата на актерката е исполнета, пишува српски Информер.