Без пари нема верификација: Твитер ги отстранува сините ознаки на профилите на познатите, некои од најследените славни личности го изгубија статусот на проверени сметки

Сината значка со ознака штиклирање на Твитер отсега првенствено ќе укажува дека тоа е профил што му припаѓа на некој што му плаќа 8 долари на Илон Маск – еден од најбогатите луѓе во светот. За да има „сина значка“ која означува проверен профил секој што го сака тоа ќе треба да потроши осум долари месечно.

Како што објави Маск, на 20 април, Твитер ќе ги отстрани ознаките од илјадници „стари“ проверени сметки – оние што компанијата претходно ги сметала за „активни, значајни и автентични“ – освен ако тие корисници не се претплатници и на „Twitter Blue“.

Такa некои од најследените славни личности на Твитер го изгубија статусот на проверени сметки, вклучувајќи ги сметките на Џастин Бибер, Кети Пери, Лејди Гага, Ким Кардашијан, Селена Гомез, Бил Гејтс, Џеј Ло, Бијонсе, Опра Винфри… и Донал Трамп.

Celebrities have started losing their checkmarks as Twitter gets rid of legacy verification, unless they pay for Twitter Blue. pic.twitter.com/nGxfBNsLJu

— Pop Base (@PopBase) April 20, 2023

Сепак, некои широко следени ѕвезди, вклучувајќи ги Ријана, Тејлор Свифт, Бритни Спирс, Елен Деџенерис, Мајли Сајрус – сè уште имаат сини ознаки.

Светски познатите личности, како кошаркарската ѕвезда Леброн Џејмс и актерот Вилијам Шатнер од „Ѕвездени патеки“ изјавија дека немаат намера да платат за оваа услуга.