Skip to content
Коста К.(14), кој го изврши масакрот во ОУ „Владислав Рибникар“ на 3 мај кога уби девет ученици и работникот од обезбедувањето Драган Влаховиќ, сместен е на Клиниката за неврологија и психијатрија за деца и млади на Универзитетскиот клинички центар на Србија.
Момчето е таму на вештачење, а со него секојдневно се и двајца чувари.
Во јануари минатата година, Коста К. престојувал на истокот на Франција во градот Жекс, со група негови врсници од неговиот клас, од кои некои ги убил само четири месеци подоцна.
На фотографиите направени во Франција се гледа дека групата која учествувала на јазичниот камп била многу активна, па ја користеле секоја прилика да ги посетат локалните знаменитости и да уживаат во локалните специјалитети.
Она што особено привлекува внимание е тоа што момчето-убиец на секоја фотографија е изолирано од остатокот од тимот, во кој била и покојната Е.К. што ова момче ја застрела на 3 мај заедно со уште осум ученици и училишниот чувар.
Исто така, на повеќето фотографии тој ги држи рацете во џебовите, а во кино салата е фотографиран како гледа во телефонот, додека останатите деца позираат со насмевка, пишува Република.рс . На сликата, која е направена за време на ручек, момчето убиец седи на чело на масата и позира, а до него се останатите девојчиња.
