Skip to content
Главната обвинителка на Обвинителството на Сараевскиот кантон, Мелиха Дугајлија, изјави дека во истрагата за трамвајската несреќа во која едно лице загина, а четворица беа повредени во центарот на градот на 12 февруари, се собираат снимки од видео надзорот од околината, бидејќи во кабината на трамвајот немало видео надзор од ноември минатата година.
Дугајлија им изјави на новинарите во Сараево дека се очекува да се превземат снимки од амбасадата на САД, која се наоѓа во близина на местото на несреќата.
Бидејќи случајот со трамвајската несреќа е приоритет, на него работат тројца обвинители – двајца обвинители за општ криминал и еден за економски криминал, објави Данас.рс.
„Ги утврдуваме околностите од аспект на општ криминал, дејствијата на возачите, целата инфраструктура, синџирот на одговорност, како во јавното претпријатие, така и во други органи, и ги проверуваме информациите од медиумите и анонимните извештаи што ги добивме“, рече Дугалија.
Дугајлија рече дека проверката на пријавата дека Градското сообраќајно претпријатие (ГРАС) користи неисправни трамваи е во тек, вклучително и кривична пријава за лошо сервисирање на сопирачките на трамвајот.
Дугајлија изјави дека трамвајот што ја предизвикал несреќата бил префрлен во кругот на GRAS и дека Општинскиот суд издал наредба за чување на ова возило.
Документацијата за реконструкцијата на железничката пруга е обезбедена и се сослушани педесет сведоци на несреќата.
Таа потсети дека обвинителството побарало притвор за возачот на трамвајот што ја предизвикал несреќата, но Кантоналниот суд го сметал тоа барање за неосновано. Сепак, истрагата против возачот продолжува, иако оди во неколку насоки, рече Дугајлија.
