Skip to content
Италијанската премиерка Џорџа Мелони денеска ја критикуваше Европската Унија поради претераната бирократија и недоволната одлучност на глобалната сцена.
– Огромна, главна слабост што директно нè погодува е моменталната структура на Европската Унија, бирократски механизам кој премногу често ги жртвуваше конкурентноста и стратешкиот раст на олтарот на идеолошките и технократските пристапи – изјави Мелони на годишното собрание на индустриското здружение Конфиндустрија, пренесува Анса.
Таа кажа дека Европа е неуморна во својата способност да ги множи правилата во сите аспекти на секојдневниот живот, но е кратковида кога станува збор за тоа нејзиниот глас да се слушне на глобалната сцена.
Мелони додаде дека е подготвена да ги примени тие принципи и на домашен план, предлагајќи покренување заеднички проект со Конфиндустрија за реформа на бирократијата во Италија.
МИА
