Нов пораз на македонските ракометари на ЕП до 20 години

Македонската машка ракометна репрезентација до 20 години ја продолжи серијата порази на Европското младинско првенство, откако попладнево во Клуж загуби на стартот од разигрувањето против Австрија со 28-24.

За македонските ракометари ова беше четврти пораз на Европското првенство кое се одржува во Романија, но трите порази во групната фаза од Норвешка, Хрватска и Данска.

Избраниците на селектор Игор Илиевски добро го почнаа натпреварот против Австрија и имаа предност од највисоки +2 (6-4), но Австријците со гол во последниот напад заминаа на полувреме со водство од 15-14.

На стартот од вториот дел, Австрија ја зголеми предноста (18-15), а македонските ракометари одговорија со два гола во серија.

Сепак, од тој момент иследи пад во играта на македонските ракометари што Австрија го искористи и со серија од 4-0 дојде до водство од 24-18 кое го зачува до самиот крај.

Следен противник на македонската репрезентација ќе биде Летонија, утре со почеток во 11 часот. 

МИА