Салата со пилешко

Пилешката салата, можете да ја понесете и со себе кога и да посакате како хранлив оброк и да уживате во него каде и кога ви одговара. Состојките можете да ги прилагодите по желба, но преливот да го додадете непосредно пред јадење.

        Состојки:

• 300 грама пилешко филе
• 1  кинеска зелка 
• 1 црвен кромид
• 1 црвена пиперка
• 1 краставица
• 5 шери домати
• 1 мал морков
• неколку листови нане
• свеж магдонос
• сол по потреба
• 1 лажица кикирики

        За преливот:

• 1  лимета
• 2 лажички балсамико
• 1 лажица маслиново масло
• 1 лажичка шеќер
• 1 чешне лук
  

Подготовка:

Сварете го пилешкото во солена вода. Подгответе го зеленчукот за салатата така што на исецканата кинеска зелка  ќе ѝ додадете сецкан кромид и тенко исецкана пиперка. Извадете ги семките од краставицата и исецкајте ја, исечете го морковот на тенки стапчиња или изрендајте го, па додадете ги и шери доматите.

Додадете ги  исечканиот магдонос и нане, па измешајте се.Ставете го подготвениот зеленчук во сад и врз зеленчукот наредете го исецканото пилешко месо. Посипете со потпечени и исецкани кикирики. Подгответе го преливот во тегла. Измешајте ги исцедениот сок од лимета, балсамико, маслиновото масло, шеќерот и многу ситно исецканото лукче.

Протресете ги сите состојки заедно и оставете ги да отстојат 10 минути за да се соединат вкусовите. Пред послужување, прелијте ја салатата со преливот и измешајте; оставете да отстои 2–3 минути за зеленчукот малку да омекне.

Совет:

Прелијте ја салатата со преливот непосредно пред јадење; во спротивно, зеленчукот ќе стане премногу мек.

МИА