Skip to content
Легендарната актерка Шерон Стоун предизвика голем интерес кога завчера се појави на трибините на тенискиот стадион Филип Шатрие во Париз за да го дочека финалниот меч меѓу Новак Ѓоковиќ и Карлос Алкараз, кој заврши со победа на Ѓоковиќ, пишува српски Информер.
Холивудската ѕвезда која стекна популарност во деведесетите со улогата на Кетрин Трамел во еротскиот трилер „Ниски страсти“ силно го поддржа најдобриот спортист на сите времиња и не ги криеше симпатиите кон него.
Скокала, правела гримаси, се радувала и се нервирала кога Новак ќе промашел бод, но на крајот задоволна го напуштила мечот бидејќи победил нејзиниот миленик.
Актерката цело време го фотографирала Новак и објавувала стории на Инстаграм во кои го пофалува српскиот ас. „Некој вид чудо“, напиша Шерон на една од нејзините приказни заедно со сликата на Ѓоковиќ од теренот.
На крајот од мечот, кога Новак го освои последниот бод и го доби дуелот против Алкараз, атрактивната актерка го фотографирала Новак како трча во прегратките на неговата ќерка Тара, со која ја прославил победата.
