Шокантна снимка од Загреб, елен се забил во возач на скутер и го соборил

Елени, срни… Полициската управа во Загреб често добива пријави за диви животни на патот, а жителите на Пантовчак исто така се жалат на нив.

Видео од загрепскиот Пантовчак стана вирално на социјалните мрежи. На него се гледа млад елен кој „талка“ во сообраќајот, стоел на патот неколку секунди, а потоа одеднаш претрчал преку патот на другата страна и се судрил со возач на скутер кој се обидувал да го избегне!
„Јутарњи лист“ пишува дека несреќата се случила во четврток околу 9:30 часот. Сè е евидентирано како „сообраќаен инцидент“, а не како сообраќајна несреќа, бидејќи возачот не бил повреден. Скутерот претрпел материјална штета, а еленот станал по судирот и си заминал.
„Живеам пет метри од местото каде што се случи несреќата. Речиси секој ден гледаме елени и срни како шетаат низ Пантовчак, тажни и дезориентирани“, напиша жителка на Загреб на Reddit.
Таа додава дека по свлечиштето во близина на претседателската резиденција, дел од заштитната ограда е отстранет. Оградата не е обновена во некои делови, па животните излегуваат на патот без никакви пречки…

Оградата сè уште не е обновена и вакви работи се случуваат секој ден. Пред неколку недели, еден од нив прелета пред мојот автомобил, го избегнав во последната секунда. А има и такви што возат 100 км/ч на овој дел и секунда е доволна за нешто да се случи – напиша таа, објави 24sata.hr.