Солени грицки со сирење и семки: Идеална закуска за на плажа

200 гр брашно 1 прашок за пециво 1 лажичка сол 100 гр рендано сирење (гауда, чедар) 50 гр мешани семки (сончоглед, сусам, тиква, лен) 100 мл јогурт 50 ml масло (сончогледово или маслиново) 1 јајце

Подготовка:

Во голем сад просејте ги брашното, прашокот за пециво и солта. Добро измешајте. Додадете рендано сирење и мешаните семки. Повторно измешајте за рамномерно да се распоредат сите состојки. Во садот со брашното и сирењето додајте ги јогуртот, маслото и јајцето. Сè убаво измешајте додека не добиете хомогена смеса. Ако смесата е премногу густа, додадете уште малку јогурт.

Со лажица или со раце формирајте мали топчиња и ставете ги на плех обложен со хартија за печење. Оставете малку простор помеѓу топчињата бидејќи тие малку ќе се рашират за време на печењето. Печете во загреана рерна на 180 °C 15-20 минути или додека не добијат златно кафеава боја.

Ако сакате, можете да додадете зачини во смесата, како пиперка, лук во прав или суви зачини како оригано или мајчина душица.