Таткото на убиецот на Данка Илиќ го отпушти адвокатот, се бранеше со молчење а сега побара да го застапува бранител по службена должност

Во истрагата за убиството на малата Данка Илиќ, чие тело се уште се води за исчезнато, осомничените се обидуваат на сите начини да си обезбедат поповолна положба. Бараат нови бранители, откажувајќи им го полномошното на сегашните.

Радослав Драгијевиќ, осомничен дека му помагал на синот Дејан Драгијевиќ да го сокрие телото на девојчето кое синот Дејан претходно ја убил со колегата од водоводот, Срѓан Јанковиќ, денеска го известил обвинителот дека сака да го смени својот адвокат.

– Радослав Драгијевиќ побара обвинителството во Зајечар да му обезбеди бранител по службена должност, па јас повеќе не сум негов бранител – изјави Небојша Живановиќ за Република.

Радослав Раде Драгијевиќ се бранеше со молчење во досегашната постапка, а неговата сопруга Светлана Драгијевиќ претходно во интервју за нашиот портал изјави дека веќе му должи 1.000 евра на адвокатот Живановиќ за застапување на нејзиниот сопруг. Во оваа насока, можно е Драгијевиќ да немаат пари за адвокат, па поради тоа да се укине полномошното на избраниот бранител.

Да потсетиме, мајката на убиецот, Светлана Драгијевиќ, како сведок била повикана на распит пред Вишото јавно обвинителство во Зајечар, каде го искористила законското право да не сведочи со оглед на тоа дека осомничен е нејзиниот син Дејан и сопругот Радослав.