(ВИДЕО) Која е трагично настраданата мисица: Ја нарекуваат „косовската убавица“, почина по прославата на Бајрам во Турција

Ѓулер Ердоган, 27-годишната Мис на Балканот за 2022 година, почина во Гиресун за време на Рамазан Бајрам.

Манекенката и носителка на титулата Мис на Балканот за 2022 година, Ѓулер Ердоган, загинала бегајќи од полицијата, објави весникот Сабах. Трагичниот настан се случил во Гиресун, Турција, каде Ѓулер дошла со семејството да го помине Рамазан Бајрам. Несреќата се случила на Црноморскиот крајбрежен пат во областа Хаџи Хусеин, а нејзиното безживотно тело го забележале други возачи кои веднаш ги известиле надлежните.

На местото на настанот брзо пристигнале полициски и медицински екипи, но за жал само е констатирана смртта на 27-годишната манекенка. Според извештајот на Хуријет, Ѓулер починал на самото место откако во неа удрил автомобил додека пеш го преминувала патот, обидувајќи се да им побегне на полицајците.

Што ја предизвикало несреќата?

Ѓулер Ердоган, која ја носеше титулата Мис на Балканот за 2022 година и работеше во агенција за модели, за време на празниците престојувала во Гиресун. Според весникот Сабах, младата манекенка таа вечер пиела алкохол и уживала со пријателите. Полицијата ја запрела поради сомнение дека вози во алкохолизирана состојба, а по извршената проверка наводно било утврдено дека била под дејство на алкохол. Во обид да избегне апсење, Ѓулер побегнала, но несреќата била фатална – додека бегала налетала на патот и починала под тркалата на автомобилот.

Семејството на Ѓулер Ердоган не сака да ја коментира оваа трагедија, додека нејзините следбеници на социјалните мрежи изразија длабоко сочувство. Многумина беа шокирани од загубата на талентирана манекенка која ја чекаше успешна кариера. Полицијата покрена детална истрага за утврдување на сите околности на несреќата, вклучително и точниот тек на настаните и одговорноста на инволвираните страни.

Ѓулер Ердоган беше позната во светот на манекенството, а во 2022 година ја освои титулата Мис на Балканот, што и донесе признание и бројни можности за кариера. Освен тоа, според некои извори, Ѓулер живеела меѓу Косово и Франција, каде го изградила својот професионален пат. Нејзиниот трагичен крај предизвика и пошироки дискусии за безбедноста за време на празниците и одговорноста на возачите, особено во контекст на консумирање алкохол, пишува Мондо.