(ВИДЕО) Овации за Ѓоковиќ во Мелбурн: 15.000 влезници за дуелот со Кирјос продадени за 58 минути

Српскиот тенисер Новак Ѓоковиќ емотивно го доживеа топлото добредојде од публиката на Род Лејвер арената во Мелбурн, каде пред стартот на Австралија опен одигра денеска егзибициски натпревар во хуманитарни цели со домашниот тенисер Ник Кирјос.

Сите 15.000 влезници за дуелот меѓу Ѓоковиќ и Кирјос беа продадени за 58 минути. 

Ѓоковиќ, кој пред една година беше депортиран од Австралија, бидејќи не е вакциниран против коронавирусот, со овации беше пречекан од австралиската публика. 

„Ви благодарам многу, сега сум малку емотивен, да бидам искрен. Навистина се радував на враќањето на овој терен. Ви благодарам на сите што дојдовте“, изјави Ѓоковиќ. 

Иако резултатот беше во втор план, двајцата тенисери освоија по еден сет, кој се играше во четири освоени гемови, а победникот беше одлучен во тај – брејк во кој на Ѓоковиќ и Кирјос им се приклучија и играчи во инвалидски колички. Тимот на Кирјос на крајот славеше победа со 10-9. 

Првиот годинешен грен – слем турнир почнува в понеделник, а Ѓоковиќ, кој има девет титули на Австралија опен, во првото коло ќе игра против Роберто Кабраљес Баена. 

МИА

  • видео, Ѓоковиќ, тенис

Најнови вести

Најново од Видеа, Спорт

Најчитани вести

  1. Татко пријавил дека 19- годишниот син признал убиство, пронајдени телото и пиштолот
  2. Меџити: Казината се затвораат, на ред се брзите кредити!
  3. Фудбалери на Вардар славеа титула со навредлива песна за Каролина Гочева: Осуда од Борко Ристовски, ФФМ отвори постапка
  4. Бугарија победи на Песна на Евровизија
  5. Филипче објави Фронт за вистина и правда!
© 2026 | БАБИНСКИ ДООЕЛ Скопје | Сите права се задржани.