Skip to content
Претседателот на Украина, Володимир Зеленски, во Вашингтон се сретна со претседателот на Соединетите Американски Држави, Доналд Трамп. Тема на средбата ќе бидат безбедносните гаранции и помошта во спречувањето на евентуален нов руски напад, како и потпишувањето на договор за ретки минерали.
Зеленски инсистира на тоа дека заедно со економскиот договор мора да дојдат и конкретни безбедносни гаранции. Сепак, Трамп изјави дека нема да даде многу безбедносни гаранции, бидејќи Европа ќе го стори тоа, објави Блиц.
Зеленски, кој сè уште се залага за членство на Украина во НАТО или слични безбедносни аранжмани, ќе се обиде да добие одговори од Трамп на клучните прашања за тоа дали САД планираат да ја прекинат воената помош за Украина, дали Киев ќе може да купи американско оружје и дали Украина ќе може да ги користи замрзнатите руски средства за купување оружје, посочува АП.
Трамп претходно изјави дека присуството на САД во рударскиот сектор на Украина може да послужи како „автоматска безбедносна гаранција, бидејќи никој нема да прави проблеми кога Американците се таму“.
