Дедото на малата Тамара пукал во Тодоров?

Официјално полицијата го потврди пукањето во Тодоров, потврди дека станува збор за Љубчо Стојановски од с. Долно Каласлари, Велес. MВР соошти дека повредени лица нема. Љубчо е приведен, а полицијата пронашла една чаура. Увидот се уште трае.

Неофицијално, обидот за убиство на поранешниот министeр за здравство и екс вицепремиер, Никола Тодоров го сторил Љупчо С., 57 годишен граѓанин на Велес кој веднаш е приведен од полицијата. Инцидентот се случи пред околу половина час, пред влезот на Министерството за здравство. МВР работи на расветлување на случајот.

Телевизија Телма, според неофицијални информации пренесува дека напаѓачот е дедото на малата Тамара од Велес, која почина чекајќи Фондот да и одобри средства за операција во странство. Решението за одобрените пари пристигна следниот ден по нејзината смрт.