Ѓоковиќ се согласил за милион долари помалку од наградата на „Австралија опен“

Новак Ѓоковиќ ја освои 18. Грен слем титула во својата кариера, деветта на Австралија опен, откако во финалето во недела го победи Данил Медведев во три сета.

Пред почетокот на турнирот Ѓоковиќ се согласил на џентменски договор со организаторите на „Австралија опен“, да му биде исплатена за 1 милион долари помала награда од таа што ќе ја освои.

За победникот на „Австралија опен“ наменета е награда од 3,12 милиони долари, а тенисерот ќе добие 2,13, што не е малку, но е за милин помалку.

Директорот на турнирот во Мелбурн откри дека Ѓоковиќ се согласил победниците да добијат помала награда од вообичаеното со цел младите играчи и оние кои ќе отпаднат во претходните фази од турнирот да добијат повеќе пари.

Сето ова е направено за да се олесни ситуацијата во време на пандемијата на коронавирусот, и да им се помогне на помладите тенисери со големите трошоци за патувањето во Австралија, двонеделниот карантин и многу други работи, што е само уште едно во низата убави потези од најдобриот светски тенисер.

Во меѓувреме, наградниот фонд на „Австралија опен“ не е намален, туку е зголемен за седум милиони долари, а Ѓоковиќ покажал солидарност со пониско рангираните тенисери.

]]>