(ВИДЕО) Претседателот на Србија Александар Вучиќ пристигна во Москва

Претседателот на Србија, Александар Вучиќ, денеска пристигна во Москва, каде на аеродромот го пречека заменик министерот за надворешни работи на Русија, Александар Грушко. На Вучиќ му беше договорен пречек со гарда.

Вучиќ околу 11 часот полета од Белград за Москва, каде што треба да присуствува на прославата на Денот на победата на Црвениот плоштад. Авионот привремено слетал во Баку бидејќи немал дозвола за летање поради борбени операции. Откако доби зелено светло, летот продолжи.

Авионот на Владата на Србија во кој се наоѓаше претседателот на Србија, Александар Вучиќ, полета од Баку за Москва околу 14:10 часот по српско време.

Инаку, Украина ја нападна Москва со беспилотни летала, принудувајќи ги повеќето аеродроми во рускиот главен град да се затворат токму кога кинескиот претседател Кси Џинпинг требаше да пристигне за да ја одбележи победата над нацистичка Германија во Втората светска војна.

Во изминатите неколку дена аеродромите во неколку руски градови беа затворени поради напади на украински беспилотни летала.