Ана Ивановиќ донесе драстична одлука по разводот

Јазот меѓу поранешните партнери дополнително се продлабочи.

Веста за разводот меѓу Ана Ивановиќ и Бастијан Швајнштајгер продолжува да привлекува големо внимание на јавноста, а како што стојат работите, нивната врска е завршена не само на приватно, туку и на деловен план.

Според извори блиски до поранешната двојка, поранешната тениска шампионка и прославениот германски фудбалер одлучиле да стават крај не само на бракот, туку и на сите заеднички бизнис проекти што им донеле милионски приходи во текот на годините.

Двајцата, додека беа во хармонична врска, важеа за еден од највлијателните и најбараните парови во светот на спортот и маркетингот, а бројни глобални компании ги ангажираа како заштитно лице на своите брендови.

Според изворот, станува збор за договори вредни милиони евра, кои вклучуваа промоција на облека, спортска опрема, луксузни часовници и козметички производи. Нивниот заеднички настап беше гаранција за успешна кампања, бидејќи симболизираа хармонија, успех и здрав начин на живот.

– Ана и Швајни имаа сериозни договори со големи компании. Нивниот имиџ како пар беше високо ценет на пазарот. Сепак, по одлуката за развод, тенисерката јасно стави до знаење дека не сака да продолжи никаква деловна соработка со својот поранешен сопруг – тврди извор запознаен со ситуацијата.