(ФОТО) Солзи радосници се слеаја во морето од тага: Децата кои избегаа од Авганистан топло пречекани во Јужна Кореја

Во морето oд лоши вести, малку светлина доаѓа од Јужна Кореја. Лошите сцени на ужасот и смртта што доаѓаат веќе неколку недели од Авганистан, можеби повеќе предизвикуваат лутина и бес, отколку солзи, но од добрината и топлината со кои овие луѓе се обиделе да ги пречекаат евакуираните во време на пандемија, предизвикаа солзи радосници.

Имено, стотици евакуирани Авганистанци пристигнаа во оваа азиска земја, а вчерашните фотографии од аеродромот Инчеон во Сеул покажуваат деца кои при пристигнувањето добиле подароци – плишани мечиња и зајчиња.

Фотографиите прво беа објавени на Твитер од новинарот Рафаел Рашид, кој известува за ситуацијата во Авганистан.

https://twitter.com/koryodynasty/status/1430871317759229961

„Ќе ја поделиме Вашата болка. Имајте пријатен престој“, пишува на банерот со кој беа пречекани евакуираните.

Авганистанците кои пристигнаа во Јужна Кореја се прогласени за лица од посебно значење, а не за бегалци, и им биле дадени краткорочни визи. Но, аналитичарите велат дека во пракса, оваа ознака е приближно еквивалентна на ознаката за бегалци.

Вкупно 390 бегалци пристигнаа во Јужна Кореја, вклучувајќи здравствени работници, професионални тренери и преведувачи кои работеле за корејската амбасада заедно со нивните семјества и деца.

Фото: АФП

]]>