Skip to content
Министерството за финансии соопшти дека му ја одзело дозвола за работа на, како што наведува, „едно од поголемите финансиски друштва на пазарот“, откако граѓанин пријавил, а вонреден надзор открил сериозни неправилности и непочитување на законот. Министерството не го открива името на фирмата за брзи кредити која останала без лиценца.
Надзорот утврди грубо прекршување на законските прописи, постапување спротивно на правилата за заштита на корисниците и практики со кои директно биле доведени во ризик граѓаните – корисници на финансиски услуги. Поради тежината на утврдените прекршоци и сериозноста на констатираните неправилности, Министерството за финансии во мај донесе решение за одземање на дозволата за работа на финансиското друштво“, пишува во соопштението од МФ.
Од почетокот на годината досега, изречени се 22 глоби за 16 друштва, како и 23 писмени наредби за отстранување на утврдените неправилности, велат од Министерството, додавајќи дека се подготвуваат и законски измени со кои дополнително ќе се заострат условите и критериумите за работа на финансиските друштва.
Извор – Слободен печат
