Грција подготвува нов закон „Тотална забрана“ – Ова на многумина нема да им се допадне

Грција подготвува закон за забрана на сите електронски цигари со вкус и алтернативни тутунски производи, со цел нивната продажба да биде недостапна, пред сè, за грчките тинејџери.

Според предлог-законот, од пазарот ќе бидат повлечени вкусовите како бисквит, чоколада, лубеница, овошје, па дури и виски, кои се особено популарни меѓу тинејџерите и возрасните, а ќе бидат поштедени само електронските цигари со вкус на тутун и нане, пишува Грчки репортер. Секторот за е-цигари во Грција вработува околу 10.000 луѓе, вклучително и 2.000 специјализирани трговци на мало. Предлог-законот е поднесен од Министерството за здравство и е во завршна фаза на јавна расправа.

Тоа е во согласност со препораките на Европската унија за продажба на електронски цигари, додека седум земји од ЕУ досега воведоа забрана за различни вкусови – Финска, Латвија, Литванија, Естонија, Данска, Холандија и Унгарија. Со законот ќе се воведе општа забрана за продажба на алкохол и сите тутунски производи на малолетни лица, додека продажбата на алкохол на малолетни лица ќе се преквалификува според кривичниот закон како полесен криминал.

Аналитичарите во Атина велат дека предлог-законот е чекор во вистинската насока, главно за ограничување на пристапот на малолетниците до алкохол и тутунски производи, бидејќи, на пример, ќе им даде на властите овластување да затворат продавници или клубови фатени како продаваат тутун или алкохол на малолетници. Од друга страна, здружението на трговци со вејпинг производи во писмо до Владата предупреди дека целосната забрана ќе доведе до префрлање на 400.000 корисници на вејп на „неконтролираниот“ црн пазар, пишува Ало.