Камења летаат на протестот на земјоделците во Брисел, полицијата користи водени топови

Протестот на земјоделци од неколку европски земји во Брисел, организиран против договорот за слободна трговија меѓу Европската унија и земјите од Меркосур, ескалираше во насилни судири со полицијата, објави порталот VRT.
Тензиите се појавиле кога демонстрантите пред зградата на ЕУ почнале да фрлаат камења, компири и парчиња пармезан сирење кон полицијата, што ја натерало полицијата да употреби водени топови.

Пожари биле запалени и на други локации во Европскиот кварт, запалени факели како и обиди за пробивање на полициските блокади.

Пред Европскиот парламент, ситуацијата повторно ескалираше кога околу стотина демонстранти фрлаа компири, цвекло, петарди и јајца кон полицијата, на што полицијата одговори со солзавец и водени топови.

И покрај насилните инциденти, некои од собраните земјоделци останаа смирени.
Земјоделците влегоа во центарот на градот со трактори.

Протестите ги организираат земјоделци од неколку земји, кои веруваат дека договорот со Меркосур, кој се дискутира на самитот, би можел да доведе до прилив на поевтини земјоделски производи од Бразил и други јужноамерикански земји, што би ги ставило домашните производители во неповолна положба, пренесува Танјуг.

Тие се противат и на плановите на Европската комисија за реформа на системот за субвенции, стравувајќи дека нивната финансиска поддршка ќе биде намалена.