Николовски: Ако денес имаме 100 милиони евра за модернизација на земјоделството, во 2029, по завршување на преговорите ќе имаме 1,1 милијарда

„ЕК реши земјоделскиот буџет за Македонија да биде зголемен за 62%. Но не застануваме тука. Ако денес имаме 100 милиони евра за модернизација на македонското земјоделство преку ИПАРД3, во 2029 година, по завршувањето на преговорите ќе имаме една милијарда и сто милиони евра, 11 пати повеќе. Тоа е вистинскиот патриотизам за европска Македонија“ рече носителот на листата во ИЕ3 од СДСМ и Коалициајта за европска иднина, Љупчо Николовски на митингот во Кочани.

Тој додаде дека земјава е лидер во регионот по искористеност на европските фондови преку ИПАРД2 и дека Македонија има поголем број на склучени договори од Албанија, Црна Гора, Турција и Србија заедно.

Тој додаде дека Македонија е едиснтвената земја каде што нема земјоделски протести, бидејќи земојделците сега не се делат на наши и ваши, нема списоци, нема селекции, уцени и закани.

„Работиме посветено и се грижиме за секој земјоделец креирајќи нови мерки, зголемувајќи ги субвенциите и носејќи реформи“ рече Николовски.