Нови детали за инцидентот на Дурмитор во кој загина турист: Се споменува и фирма од Србија

Жичарницата на која се случи несреќата во саботата е стара околу 35 години и, според достапните информации, ѝ недостасува еден столб,објави РТЦГ.

Три лица кои се заглавиле во кошници на ски-лифтот на Сави Кук на Дурмитор биле успешно евакуирани, јавува ТВЦГ, државјани на Србија и Германија, како и еден државјанин на Црна Гора.

Претходно, по несреќата на жичарницата на Дурмитор, во која еден странски државјанин загинал а друг повреден, тројца биле заглавени во корпите на ски-лифтот.

Сопругата на починатиот германски државјанин е тешко повредена, но е во стабилна состојба, јавуваат црногорските медиуми.

Две корпи со странски туристи останале заглавени на непристапен терен, а спасувачите и персоналот на ски-центарот се обидувале да им достават ќебиња.

Порано вчера, едно лице загина, а друго беше тешко повредено во несреќа што се случи на жичарницата на Савин Кук на Дурмитор, кога странски туристи паднаа од корпата на ски-лифтот, објави РТЦГ.

Според првичните информации, несреќата се случила на вториот, пострмен дел од жичарницата, а еден маж загинал, додека повредената жена била свесна и комуникативна и веднаш ѝ била укажана медицинска помош.

Според неофицијални податоци, постои сомневање за дефект во жичарницата број два, која води до Савин кук, по што кошницата во која се наоѓале туристите почнала да се лизга наназад.

Според извештаите, потоа кошницата се лизнала и удрила во друга.

Управата на скијачкиот центар не сакала да разговара со ТВЦГ синоќа поради истрагата која е во тек.