Возрасен вооружен маж повреди вработен во Служба за социјално осигурување во Атина

Маж вооружен со ловечка карабина, претпладнево влетал во објект на Националниот фонд за социјално осигурување на Грција (ЕФКА) во атинската населба Керамикос, при што пукал и ранил вработен во службата, јави дописничката на МИА од Атина.

Службеникот е повреден во пределот на нозете, полицајците му укажале прва помош и бил пренесен во болница.

Во тек е полициска акција во објектите на ЕФКА и поширокиот регион за пронаоѓање на сторителот.

Според неофицијалните информации, сторителот е 89-годишен маж кој собира старо железо и отпад. 

МИА