Skip to content
Со легнати велосипеди и натпис „Коце, врати ни ги улиците“, пред фотаната во Градскиот парк започна протестот со кој ќе се оддаде почит на прерано загинатиот велосипедист, 13-годишниот Давид, и сите трагично загинати жртви на скопските улици-пешаци и велосипедисти.
Собирот, започна пред фонтаната „Лотосов цвет“ (кај зградата „МЦМ“), на местото каде минатата седмица животот трагично го загуби младиот Давид од несовесен возач. Потоа присутните се движеа низ стариот дел од Градски парк, каде Давид последен пат го возел својот велосипед со другарите и заврши пред канцеларијата на градоначалникот Коце Трајановски, во близина на паркот.
За помалку од една година, на скопските улици загинаа петнаесетина пешаци и велосипедисти. Денеска почина и шеесетгодишен велосипедист кој вчера беше прегазен на Партизанска.
фото: Бриф.мк/Илин Николовски
