Антикризното оружје падна во втор план: Пандемијата го поби „кармин-индексот“

Рестриктивните мерки и заштитата со маски за време на пандемијата со коронавируост во Италија доведоа до пад од 60 проценти на продажбата на кармини за усни. Се предвидува дека годишната продажба на кармини ќе се намали за 24 проценти, покажуваат податоците на компанијата Нилсен.

Карминот отсекогаш се сметал за антикризно „оружје“, односно колку економски период бил потежок, толку повеќе се продавале кармини, пишува италијанскиот весник „Република“.

Т.н. „индекс – кармин“ е термин измислен од Леонард Лаудер од компанијата „Estee Lauder “, со кој сакал да ја опише зголемената продажба на козметика и шминка за време на рецесијата во раните 2000-ти.

Заклучокот бил дека со купување кармини, жените ги заменувале поскапите набавки што не можеле да си ги дозволат во рецесија, како на пример фустани и чевли.

Поради пандемијата со Ковид 19 и заштитата на носот и устата со маска, периодов жените се прилагодиле на новите начини на купување, честопати преку Интернет, притоа почесто одлучувајќи се за шминка за очи и лак за нокти отколку кармин.

]]>