Се подготвува нова адаптација на познатиот филм "Волшебникот од Оз"

Се подготвува нова адаптација на филмот „Волшебникот од Оз“, во режија на Никол Касел, снимен според истоимениот роман на Лиман Франк Баум.

Се работи за фантастичната приказна за девојчето Дороти и нејзиното милениче, кученцето Тото, кои одлетуваат со куќата зафатена од ураган. Од местото Канзас, каде што живеат, Дороти и Тото се однесени во необичната земја Оз, од каде што само Волшебникот може да ги врати.

Досега неколку филмови и ТВ-емисии се направени според истата шема, а најпозната адаптација е мјузиклот од 1939 година со Џуди Гарланд во главната улога.

Продуцентската куќа „New Line Cinema“ вети „нов пристап“ кон омилената приказна, со ветување дека ќе ги има и класичните елементи, како што се патот со жолта тула, црвените чевли на Дороти и ликовите Плашило, Лавот, Лимениот човек и Дрвосечачот.

Режисерската на оваа адатација, Никол Касел, вели дека новата верзија на филмот ќе биде и еден вид одавање почит кон класичниот филм со Џуди Гарланд.

]]>