Англија закажа финале со Италија, Кејн ги елиминираше Данците

Фудбалерите на Англија ја победија Данска со 2:1 во продолженијата и се пласираа во финалето против Италија. Двете екипи започнаа офанзивно, а првиот гол падна во 30-та минута. По слободен удар,
Микел Дамсгард упати силен шут, а Пикфорд не можеше да го запре.

Чекањето траше само девет минути кога Симон Кјаер ја испрати топката во празната мрежа.

Најдобрата шанса ја пропушти Хари Мекгваер, кој шутираше со глава во 55-та минута, а Шмајхел реагираше брилијантно.

До крајот на регуларниот дел од натпреварот, остана 1: 1, па конечниот резултат се доби во продолженијата.

Веднаш на почетокот на продолженијата, Англија започна многу офанзивно, а во 102-та минута, откако Меле го турна Стерлинг, Мекели покажа на белата точка.

Хари Кејн ја презеде одговорноста, но Шмајхел го одбрани пеналот. Сепак одбиената топка повторно стигна до англискиот капитен, кој во вториот обид го совлада данскиот голман.

Противник на Англија на 11 јули на „Вембли“ ќе биде Италија, која вчера на пенали ја елиминира Шпанија.

]]>